బాలగంగాధర తిలక్ @ మన ప్రత్తిపాడు

బాలగంగాధర తిలక్

कमान्य टिळकజననం23 జూలై 1856
రత్నగిరి, బొంబాయి రాష్ట్రం,బ్రిటిష్ ఇండియామరణంఆగష్టు 1, 1920 (వయసు 64)
ముంబై, బ్రిటిష్ ఇండియా (ప్రస్తుతం భారతదేశము)జాతీయతభారతీయుడుజాతిమరాఠీ ప్రజలుసంస్థభారత జాతీయ కాంగ్రెస్ఉద్యమంభారత స్వాతంత్ర్యోద్యమంమతంహిందూ

బాలగంగాధర తిలక్ / బలవంత్ గంగాధర్ తిలక్ (Bal Gangadhar Tilak) (మరాఠీ: बाळ गंगाधर टिळक) (జూలై 23, 1856 - ఆగష్టు 1, 1920) ని భారతజాతీయోద్యమ పితగా పేర్కొంటారు. ఆయనకు ముందు జాతీయోద్యమం లేదని కాదు. కానీ ఆయన జాతీయోద్యమాన్ని కొత్తదారులు పట్టించాడు. దేశవ్యాప్తంగా సామాన్యప్రజల్ని ఆ ఉద్యమంలో పాల్గొనేటట్లు చేయడంలో ఆయన పాత్ర అద్వితీయమైనది. అందుకే ఆయన్ను భారతదేశంలో బ్రిటిష్ ప్రభుత్వానికి వ్యతిరేకంగా రేగిన అశాంతికి మూలకారకుడు (Father of India's unrest) గా భావిస్తారు. ఈయనకు లోకమాన్య అనే బిరుదు కూడా ఉంది.

బాల్యంసవరించు

బాలగంగాధర తిలక్ 1856 జూలై 23వ తేదీన మహారాష్ట్ర రాష్ట్రంలోని రత్నగిరిలో జన్మించాడు. ఆయన తండ్రి గంగాధర్ రామచంద్ర తిలక్ ఒక సంస్కృత పండితుడు, మంచి ఉపాధ్యాయుడు. తన బాల్యంలో తిలక్ చాలా చురుకైన విద్యార్థి. ప్రత్యేకించి గణితశాస్త్రంలో ఆయన విశేష ప్రతిభ కనబరచేవాడు. చిన్నప్పటి నుంచి అన్యాయం ఎక్కడ జరిగినా సహించని గుణమాయనది. నిజాయితీతో బాటు ముక్కుసూటితనం ఆయనకు సహజం. కళాశాలకు వెళ్ళి ఆధునిక విద్యనభ్యసించిన తొలితరం భారతీయ యువకుల్లో ఆయనొకడు.

తిలక్ కు పదేళ్ళ వయసున్నప్పుడు ఆయన తండ్రికి రత్నగిరి నుంచి పుణెకు బదిలీ అయింది. ఇది తిలక్ జీవితంలో పెనుమార్పు తీసుకువచ్చింది. ఆయన అక్కడ ఆంగ్లో-వెర్నాకులర్ పాఠశాలలో చేరి కొందరు ప్రసిద్ధి చెందిన ఉపాధ్యాయుల వద్ద విద్యనభ్యసించాడు. ఐతే పూణెకు వచ్చిన కొంతకాలానికే ఆయన తన తల్లిని, పదహారేళ్ళ వయసులో తన తండ్రిని కోల్పోయాడు. మెట్రిక్యులేషన్ చదువుతున్నప్పుడే ఆయనకు సత్యభామ అనే పదేళ్ళ అమ్మాయితో పెళ్ళయింది. మెట్రిక్ పాసయ్యాక ఆయన దక్కన్ కళాశాలలో చేరాడు. 1877లో ఆయన గణితశాస్త్రంలో ప్రథమశ్రేణిలో పట్టభద్రుడయ్యాడు. ఆ తర్వాత ఆయన తనచదువును కొనసాగించి L.L.B. పట్టా కూడా పొందాడు.

విద్యావిధానంసవరించు

ఆయన పాశ్చాత్యవిద్యావిధానాన్ని తీవ్రంగా వ్యతిరేకిచాడు - అది భారతీయ సాంస్కృతికవారసత్వాన్ని అగౌరవపరచి భారతీయ విద్యార్థులను చిన్నబుచ్చేవిధంగా ఉందని. ప్రజలకు మంచి విద్యను అందించడం ద్వారానే వాళ్ళను మంచి పౌరులుగా మార్చవచ్చనే ఉద్దేశం ఆయనది. ప్రతి భారతీయుడికి/రాలికి భారతీయ సంస్కృతి గురించి, భారతదేశపు ఔన్నతాన్ని గురించి బోధించాలని ఆయన ఆశయం. అందుకే అగార్కర్, విష్ణుశాస్త్రి చిప్లుంకర్ లతో కలిసి "దక్కన్ ఎడ్యుకేషనల్ సొసైటీ"ని స్థాపించాడు.

పాత్రికేయవృత్తిలోసవరించు

ఆ తర్వాత తాను నడిపిన పత్రికలు "మరాఠా(ఆంగ్ల పత్రిక)", "కేసరి(మరాఠీ పత్రిక)" లలో మొద్దు నిద్రపోతున్న భారతీయులను మేల్కొల్పడానికి పదునైన భాషలో బ్రిటిష్ పాలనలోని వాస్తవ పరిస్థితుల గురించి వివరంగా రాశాడు. బాల్యవివాహాలను నిరసించి వితంతు వివాహాలను స్వాగతించాడు

హోంరూల్ లీగ్సవరించు

1916 ఏప్రిల్ లో హోంరూల్ లీగ్ను స్థాపించి దాని లక్ష్యాలను వివరిస్తూ మధ్యభారతదేశంలో గ్రామగ్రామానా తిరిగాడు. అనీబిసెంటు అదే సంవత్సరం సెప్టెంబర్లో మొదలుపెట్టి హోంరూల్ ఉద్యమాన్ని దేశవ్యాప్తం చేసింది. ఆ ఉద్యమం ఉధృతంగా కొనసాగుతున్న సమయంలో ఒక కోర్టుకేసులో ఆయన లండనుకు వెళ్ళవలసి వచ్చింది. అప్పుడే, అంటే 1917 ఆగస్టులో అప్పటి సెక్రటరీ ఆఫ్ స్టేట్ మాంటేగు "బ్రిటిష్ సామ్రాజ్యంలో భాగమైన భారతదేశంలో బాధ్యతాయుత ప్రభుత్వాన్ని ఏర్పరచడానికి వీలుగా అన్ని పాలనాంశాల్లో భారతీయులకు అధిక ప్రాధాన్యాన్నివ్వడమే ప్రభుత్వ విధానమని" బ్రిటిష్ ప్రభుత్వం తరపున ప్రకటించాడు. బాధ్యతాయుత ప్రభుత్వమంటే ఎవరికి బాధ్యత వహించే ప్రభుత్వమో, అధిక ప్రాధాన్యమంటే ఎంత ప్రాధాన్యమో, అసలు అది ఎప్పుడిస్తారో ఏదీ స్పష్టంగా లేదు. కానీ బ్రిటిష్ ప్రభుత్వ నిజాయితీని నమ్మిన అనీబిసెంటు ఆ ప్రకటనతో ఉద్యమాన్ని అపేసి ప్రభుత్వానికి తన మద్దతు ప్రకటించింది. అలా ఇద్దరు నాయకులదీ చెరొకదారీ కావడంతో హోంరూల్ ఉద్యమం చల్లబడిపోయింది. కానీ ప్రజల్లో తిలక్ రగిలించిన స్ఫూర్తి మాత్రం కొనసాగింది. అందుకే 1920లో (ఆగస్టు 1వ తేదీ) తిలక్ చనిపోయినప్పుడు జాతీయోద్యమం చుక్కాని లేని నావ అవుతుందని చాలా మంది భయపడ్డారు.

"గాంధీ అని ఇంకొకాయన ఉన్నాడు గానీ....అబ్బే! తిలక్ ముందర ఏపాటి?" అనుకున్నారు. కానీ "నాయకులు చరిత్రను సృష్టించరు. చరిత్రే నాయకులను సృష్టిస్తుంది." అనే మాటను నిజం చేస్తూ అతి సామాన్యుడిగా జీవితం ప్రారంభించిన గాంధీ తిలక్ మరణంతో ఏర్పడ్డ శూన్యాన్ని అసామాన్యంగా భర్తీ చెయ్యడమే గాక మహాత్ముడి స్థాయికి ఎదిగాడు.

హీరోల‌ను జీరో చేసిన పోలీస్ ఆఫీస‌ర్ అస‌లు ఎవరు

హీరోల‌ను జీరో చేసిన పోలీస్ ఆఫీస‌ర్ అస‌లు ఎవరు..?

టాలీవుడ్ ఇండ‌స్ట్రీని వ‌ణికిస్తున్న కుంభ‌కోణం డ్ర‌గ్స్ కేసు. ఈపేరు చెబితేనే ప‌లువురు సినీ ప్ర‌ముఖుల్లో ద‌డ పుడుతోంది.దీనికి కార‌ణం ఆ ఐపీఎస్ అధికారే.ఆయ‌న ఎవ‌రో కాదు ఎక్సైజ్ డిపార్ట్ మెంట్ కింగ్ అకున్ స‌బ‌ర్వాల్.మోసగాళ్లకు సింహాస్వప్నంగా మారారు.మత్తుగాళ్లను చిత్తు చేస్తున్నారు.నకిలీలపైన ఉక్కుపాదం మోపుతున్నారు.సినిమా పరిశ్రమను గజగజలాడిస్తున్న మొనగాడు.ఎన్ని ఒత్తిళ్లు వచ్చినా తట్టుకొని నిలబడి మత్తుగాళ్ల మొఖాలను జనానికి చెపుతున్నాడు. 

డ్రగ్స్ దందా గుట్టురట్టు చేసి హైదరాబాద్1976 లో పాటియాలాలో జన్మించిన అకున్ సబర్వాల్ దేశంలోని పలు ప్రాంతాల్లో విద్యాభ్యాసం చేశారు. ఆయన తండ్రి ఆర్మీలో పనిచేయడం వల్ల అనేక చోట్ల చదవాల్సి వచ్చింది. అకున్ సబర్వాల్ భార్య స్మితా సబర్వాల్ కూడా డైనమిక్ ఆఫీసర్ గా పేరుతెచ్చుకున్నారు. కలెక్టర్ గా ఆమె పనితీరును గమనించిన ముఖ్యమంత్రి కేసీఆర్ తన కార్యాలయంలో అదనపు కార్యదర్శిగా నియమించారు. అకున్, స్మితా దంపతులకు ఇద్దరు పిల్లలు. అకున్ తల్లి ఇటీవలె మరణించారు. మొత్తానికి అకున్ సబర్వాల్ తన పనితీరుతో అనేక మంది మార్గదర్శకంగా నిలుస్తున్నారు. కు పట్టిన పీడను వదిలించేందుకు అకున్ కంకణం కట్టుకున్నాడు. సమాజంలో హీరోలా చలామణి అవుతు రాత్రి వేళలో వారు చేస్తున్న పనులను ఆయన ధైర్యంగా వెలికి తీశారు.గతంలో చాలా మంది ఆఫీసర్లు తీగ లాగి ఆ తర్వాత పక్కన పడేస్తే అకున్ మాత్రం మొత్తం డొంకకదిలించారు.ఆయన దెబ్బకు మత్తుగాళ్ల మత్తు వదిలింది.ఆ తర్వాత విశాఖ జిల్లా ఎస్పీగా పనిచేసిన అకుల్ అక్కడ మావోయిస్టుల నుంచి గట్టి సవాల్ ను ఎదుర్కొన్నారు.ఆయన హయాంలో జిల్లాలో ఏకంగా 28 సార్లు పోలీసులు,మావోయిస్టుల మధ్య ఎదురుకాల్పులు జరగడం విశేషం.అక్కడి నుంచి హైదరాబాద్ కు వచ్చిన డీసీపీగా పనిచేశారు. సౌత్‌ జోన్ డీసీపీగా పనిచేసిన సమయంలో కర్ఫ్యూ కారణంగా ఆయన నెలల తరబడి రోడ్లపైనే పనిచేశారు.తెలంగాణ లో గుడుంబాను నిర్మూలించాలన్న పట్టుదలతో ముఖ్యమంత్రి కేసీఆర్ సబర్వాల్ కు ఎక్సైజ్ శాఖ అప్పగించారు.సి.ఎం నమ్మకాన్ని వమ్ము చేయని అకున్ స్వల్పకాలంలో తెలంగాణను గుడుంబా రహితంగా మార్చగల్గారు.తాజాగా డ్రగ్స్ పైన కన్నెసిన ఆయన మొత్తం గుట్టును రట్టు చేశారు.ఆయన పట్టుదలతో మొత్తం డ్రగ్స్ గ్యాంగ్‌ లు పోలీసుల చేతికి చిక్కాయి.డ్రగ్స్ వినియోగిస్తున్న సినిమా ప్రముఖులను కూడా అకున్ సబర్వాల్ రోడ్డుపైకి లాగారు. దీంతో ఎప్పుడు లేనంతగా తెలుగు సినిమా పరిశ్రమ షేక్ అయింది. డ్రగ్స్ కంట్రోల్ డైరెక్టర్ గా బాధ్యతలు కూడా నిర్వహిస్తున్న ఆయన కిలీ మందుల ముఠాలను అరికట్టారు.💪

సోర్స్: సోషల్ మీడియా.

గుంటూరు జిల్లాలో పెరగనున్న నియోజకవర్గ లు ఇవే @ మన ప్రత్తిపాడు

రాజకీయ చైతన్యానికి మారుపేరైన గుంటూరు జిల్లాలో ఎన్నికలకు మరో రెండేళ్లు సమయం ఉండగానే రాజకీయ నాయకులు వ్యూహప్రతివ్యూహాలు పన్నుతున్నారు. రాష్ట్రంలో అసెంబ్లీ నియోజకవర్గాలను పెంచడానికి కేంద్రప్రభుత్వం దాదాపు అంగీకరించడంతో జిల్లాలో నూతనంగా ఏర్పాటు కానున్న నియోజకవర్గాలపై అందరి దృష్టి పడింది. ముఖ్యంగా అధికారపార్టీ నాయకుల్లో ఈ హడావుడి ఎక్కువగా కనిపిస్తోంది. నియోజకవర్గాల పెంపుతో పాటు నియోజకవర్గాల డీలిమిటేషన్‌ కూడా ఉండడంతో తమకు బలమైన ప్రాంతాలను తమ నియోజకవర్గంలో కలుపుకుని

తద్వారా రాబోయే ఎన్నికల్లో విజయకేతనం ఎగురవేయాలని సదరు నాయకులు భావిస్తున్నారు. రాష్ట్రం మొత్తం మీద ఇప్పటికే 175 అసెంబ్లీ నియోజకవర్గాలు ఉండగా దీనికి మరో 50 నియోజకవర్గాలను జోడించబోతున్నారు. రాష్ట్ర విభజన చట్టంలో నియోజకవర్గాలను పెంచుతామని హామీ ఇచ్చిన కేంద్ర ప్రభుత్వం గత మూడేళ్ల నుంచి దీనిపై దాగుడు మూతలు ఆడుతుంది. నియోజకవర్గాల సంఖ్య పెంచితే తమకు రాజకీయంగా పెద్దగా ఉపయోగం ఉండదనే భావంతో స్థానిక బిజెపి నాయకులు కేంద్ర ప్రభుత్వంపై ఒత్తిడి తెచ్చి పునర్విభజన హామీని అమలు కాకుండా ఇప్పటి వరకూ అడ్డుకుంటూ వస్తున్నారు. అయితే ముఖ్యమంత్రి చంద్రబాబునాయుడు ఈ విషయంపై కేంద్రంపై తీవ్ర ఒత్తిడి తేవడంతో సదరు ఫైలు హోంశాఖకు చేరింది. దీంతో రాబోయే పార్లమెంట్‌ సమావేశాల్లో నియోజకవర్గాల పునర్విభజన చట్టానికి సవరణలు చేయడానికి రంగం సిద్దమైంది. వచ్చే పార్లమెంట్‌ సమావేశాల్లో సవరణ చట్టం పాస్‌ అయితే ఆంధ్రాలో 50 అసెంబ్లీ నియోజకవర్గాలు పెరుగుతాయి. దీనిలో రాష్ట్ర వ్యాప్తంగా ఒక్కో జిల్లాలో కనిష్టంగా రెండు గరిష్టంగా ఐదు వరకు పెరిగే అవకాశం ఉంది.

    గుంటూరు జిల్లాలో ఇప్పటికే 17 నియోజకవర్గాలు ఉండగా దీనికి మరో ఐదు కలుస్తాయని అధికారులు, రాజకీయనాయకులు చెబుతున్నారు. గతంలో డీ లిమిటేషన్‌ జరగక ముందు గుంటూరు జిల్లాలో 19 నియోజకవర్గాలు ఉండేవి. అయితే అప్పట్లో కూచనపూడి, దుగ్గిరాల నియోజకవర్గాలు రద్దు అవడంతో రెండు నియోజకవర్గాలు తగ్గిపోయాయి. అయితే మరో ఐదు నియోజకవర్గాలు జిల్లాకు పెరుగుతాయని భావిస్తుండగా అధికారపార్టీ నాయకులు తమకు బలం ఉన్న చోట ఆ నియోజకవర్గాలను ఏర్పాటు చేసుకోవడానికి పావులు కదుపుతున్నారు. 2009 ఎన్నికలకు ముందు డీలిమిటేషన్‌ వల్ల గరిష్టంగా నాటి కాంగ్రెస్‌ ప్రభుత్వం లాభపడింది. ఇప్పుడు అదే విధంగా తమ ప్రయత్నాలను తాము చేస్తామని అధికారపార్టీ నాయకులు చెబుతున్నారు. అయితే జిల్లాకు సంబందించి మూడు రెవిన్యూ డివిజన్‌లు ఉండగా పల్నాడు ప్రాంతంలో రెండు, తెనాలి ప్రాంతంలో రెండు, గుంటూరులో ఒక నియోజకవర్గం పెరగబోతోందని సమాచారం. పల్నాడు ప్రాంతంలో 'నకిరకల్లు', పిడుగురాళ్ల'ను నియోజకవర్గంగా ప్రకటించబోతున్నారని వార్తలు వస్తున్నాయి. అదే విధంగా గుంటూరులో గుంటూరు గ్రామీణ ప్రాంతం, ప్రతిపాడు నియోజకవర్గంలోని కొన్ని ప్రాంతాలను కలిపి నూతనంగా నియోజకవర్గం ఏర్పాటు చేస్తారని తెలుస్తోంది. ఇక ఆంధ్రుల రాజధాని అయిన 'అమరావతి'ని మరో నియోజకవర్గంగా ప్రకటించబోతున్నారు. ఇది కాక తెనాలి ప్రాంతంలో 'చెరుకుపల్లి' మండలాన్ని నియోజకవర్గ కేంద్రంగా ప్రకటించబోతున్నారని విశ్వసనీయ సమాచారం.

  నియోజకవర్గాల పెంపు, పునర్‌విభజనపై ఇప్పటికే అధికారపార్టీలో కొంత కసరత్తు జరుగుతోంది. పల్నాడు ప్రాంతంలో తమపై ఆధిపత్యం సాధిస్తున్న వైకాపాను దెబ్బకొట్టడానికి స్పీకర్‌ కోడెల శివప్రసాద్‌ ప్రత్యేక వ్యూహాన్ని రచించారని తెలుస్తోంది. వైకాపాను సమర్థించే బలమైన సామాజికవర్గ ఓటర్ల ప్రభావం తన నియోజకవర్గంపై పడకుండా ఉండేందుకు ఆయన కొత్తగా 'నకిరకల్లు'ను నియోజకవర్గంగా చేసేందుకు పావులు కదుపుతున్నారట. ఇక్కడ స్వంత సామాజికవర్గం బలంతో పాటు, ఇతర బిసీ వర్గాలు బలంగా ఉండడంతో రాజకీయంగా తనకు కలసి వస్తుందని భావిస్తున్నారట. అదే విధంగా ఎప్పటి నుంచో పల్నాడు ప్రాంతంలో ప్రముఖ నగరంగా ఉన్న 'పిడుగురాళ్ల'ను నియోజకవర్గంగా ప్రకటిస్తే ఇక్కడ కూడా అధికారపార్టీ బలం అనూహ్యంగా పెరుగుతుందన్న అంచనాలు ఉన్నాయి. ఇక గుంటూరు గ్రామీణ, పత్తిపాడు నియోజకవర్గంలోని కొన్ని గ్రామాలను కలిపితే ఇక్కడా టిడిపి బలంగా తయారైతుందన్న వాదనలు ఉన్నాయి. వాస్తవానికి 'పత్తిపాడు' నియోజకవర్గంలో అధికారపార్టీకి చెందిన సామాజికవర్గం బలంగా ఉన్నా...గుంటూరు గ్రామీణ పట్టణ ప్రాంతం కొంత దానిలో ఉండడంతో ఇక్కడ గతంలో మూడు సార్లు టిడిపి ఓడిపోయింది. ఈసారి దాన్ని ఎదుర్కొనేందుకు అధికారపార్టీ డీలిమిటేషన్‌ అస్త్రాన్ని ప్రయోగించబోతోంది. రేపల్లె ప్రాంతంలో 'చెరుకుపల్లి'ని నియోజకవర్గంగా చేసి వైకాపాను దెబ్బకొట్టాలని అధికార నేతలు భావిస్తున్నారు. ఇక రాజధాని 'అమరావతి'పై సిఎం చంద్రబాబు ప్రత్యేక శ్రద్ధ చూపించబోతున్నారు. మొత్తం మీద డీలిమిటేషన్‌తో తమ స్థానాలను పదిలం చేసుకోవడానికి...మరింత బలం పుంజుకోవడానికి అధికారపార్టీ సన్నాహాలు చేస్తోంది. చూద్దాం ఏమి జరుగుతుందో...!

అల్లూరి సీతారామరాజు జీవిత విశేషాలు @ మన ప్రత్తిపాడు

అల్లూరి సీతారామరాజు:
బ్రిటిషు పాలకులను ఎదిరించి సాయుధ పోరాటం చేసిన మన్యం ప్రాంత విప్లవ వీరుడు
భారత స్వాతంత్ర్య చరిత్రలో అల్లూరి సీతారామరాజు (జూలై 4, 1897 - మే 7, 1924) (Alluri Sitaramaraju) ఒక మహోజ్వల శక్తి. ఇతడు జరిపిన సాయుధ పోరాటం స్వాతంత్ర్య ఉద్యమంలో ఒక ప్రత్యేక అధ్యాయం. సాయుధ పోరాటం ద్వారానే స్వతంత్రం వస్తుందని నమ్మి, దాని కొరకే తన ప్రాణాలర్పించిన యోధుడు. కేవలం 27 ఏళ్ళ వయసులోనే నిరక్షరాస్యులు, నిరుపేదలు, అమాయకులు అయిన అనుచరులతో, చాలా పరిమిత వనరులతో బ్రిటీషు సామ్రాజ్యమనే మహా శక్తిని ఢీకొన్నాడు.
వంశంసవరించు:
సీతారామరాజు ఇంటిపేరు అల్లూరి. అల్లూరివారు. తూర్పు గోదావరి జిల్లా కోనసీమకు చెందిన రాజోలు తాలూకా కోమటిలంక, బట్టేలంక గ్రామాలలో స్థిరపడ్డారు. కోమటిలంక గోదావరిలో మునిగిపోవడంవల్ల అక్కడి అల్లూరి వారు అప్పనపల్లి, అంతర్వేది పాలెం, గుడిమాల లంక, దిరుసుమర్రు, మౌందపురం వంటిచోట్లకు వలస వెళ్ళారు. ఇలా అప్పనపల్లి చేరిన అల్లూరి వీరభద్రరాజు తరువాత గుంటూరు జిల్లా నరసరావుపేట తాలూకాలోని బొప్పూడి గ్రామంలో స్థిరపడ్డాడు. ఇతనికి ఆరుగురు కుమారులు -- వెంకట కృష్ణంరాజు, సీతారామరాజు, గోపాలకృష్ణంరాజు, వెంకట నరసింహరాజు, అప్పలరాజు, వెంకట రామరాజు. వీరిలో గోపాలకృష్ణంరాజు కొడుకు వెంకటకృష్ణంరాజు (సీతారామరాజుకు తాత), వెంకటకృష్ణంరాజు మరియు అతని పెదతండ్రి వెంకట నరసింహరాజు బొప్పూడి గ్రామంనుండి పశ్చిమ గోదావరి జిల్లా భీమవరం సమీపంలో పాలకోడేరు మండలం మోగల్లు గ్రామంలో స్థిరపడ్డారు. వెంకటకృష్ణం రాజు ఐదుగురు కొడుకులు రామచంద్రరాజు, వెంకటరామరాజు (సీతారామరాజు తండ్రి), రామకృష్ణంరాజు, రంగరాజు, రామభద్రరాజు.[1]
అల్లూరి సీతారామ రాజు 1897 జూలై 4 న పాండ్రంగి (పద్మనాభం) గ్రామంలో వెంకట రామరాజు, సూర్యనారాయణమ్మ లకు జన్మించాడు. ఈ దంపతులకు సీతమ్మ అనే కుమార్తె (ఆమె భర్త దంతులూరి వెంకటరాజు), సత్యనారాయణరాజు అనే మరొక కుమారుడు కూడా ఉన్నారు.
అల్లూరి సీతారామరాజుగా ప్రసిద్ధుడైన ఈ మన్యం వీరుని అసలుపేరు "శ్రీరామరాజు". ఇతని తాత (మాతామహుడు) అయిన మందపాటి రామరాజు పేరే ఇతనికి పెట్టారు. అతని ఉత్తరాలలోను, మనుచరిత్ర గ్రంథం అట్టపైన కూఢా "శ్రీరామరాజు", "అల్లూరి శ్రీరామరాజు" అని వ్రాసుకొన్నాడు. కాలాంతరంలో ఇతనికి "సీతారామరాజు" అనే పేరు స్థిరపడింది. (సీత అనే పడతి ఇతనిని ప్రేమించిందని. ఇతడు సంసార బాధ్యతలను స్వీకరించడానికి నిముఖుడైనందున ఆమె మరణించిందని, కనుక అతను తన పేరును "సీతారామరాజు"గా మార్చుకొన్నాడని వ్యావహారిక గాథ.)విప్లవం రెండవదశసవరించు
డిసెంబర్ 6 న విప్లవదళానికి మొదటి ఎదురుదెబ్బ తగిలింది. జాన్ ఛార్సీ, మరికొందరు అధికారుల నాయకత్వంలో ప్రభుత్వ సైన్యానికి, రాజు సైన్యానికి పెదగడ్డపాలెం వరిచేలలో పోరాటం జరిగింది. ప్రభుత్వసేనలు శక్తివంతమైన శతఘ్నులను (ఫిరంగులను) ప్రయోగించాయి. ఆరోజు జరిగిన ఎదురుకాల్పుల్లో 4మంది రాజు అనుచరులు చనిపోయారు. కొన్ని ఆయుధాలు పోలీసుల వశమయ్యాయి. తప్పించుకొన్న విప్లవవీరుల స్థావరంపై ప్రభుత్వదళాలు ఆరాత్రి మళ్ళీ దాడి చేశాయి. ఒక గంట పైగా సాగిన భీకరమైన పోరులో మరొక 8 మంది విప్లవకారులు మరణించారు.
ఆ తరువాత దాదాపు 4 నెలలపాటు దళం స్తబ్దుగా ఉండిపోయింది. రామరాజు చనిపోయాడనీ విప్లవం ఆగిపోయిందనీ పుకార్లు రేగాయి. అయినా అనుమానం తీరని ప్రభుత్వం రామరాజును, ఇతర నాయకులను పట్టి ఇచ్చిన వారికి బహుమతులు ప్రకటించింది. స్పిన్, హ్యూమ్ వంటి అధికారులు జాగ్రత్తగా వ్యూహాలు పన్నసాగారు.
1923 ఏప్రిల్ 17న రాజు కొద్దిమంది అనుచరులతో అన్నవరంలో ప్రత్యక్షమయ్యాడు. పోలీసు స్టేషనుకు వెళ్ళారు. పోలీసులు లొంగిపోయారు గానీ స్టేషనులో ఆయుధాలు మాత్రం లేవు. తరువాత రాజు అనుచరులతో పాటు కొండపైకి వెళ్ళి సత్యనారాయణస్వామిని దర్శించుకున్నాడు. పత్రికా విలేఖరులతో కూడా మాట్లాడాడు. చెరుకూరి నరసింహమూర్తి అనే అతనికి, రాజుకు జరిగిన సంభాషణ 21-4-1923 ఆంధ్ర పత్రికలో ప్రచురింపబడింది. 10 గంటలకు బయలుదేరి శంఖవరం వెళ్ళాడు. అక్కడి ప్రజలంతా రాజును భక్తిగా ఆదరించారు. రాజు వచ్చిన విషయం తెలిసిన కలెక్టరు అన్నవరం వచ్చి, రాజును ఆదరించినందుకు ప్రజలపై (4,000 రూపాయలు జరిమానా) అదనపు పన్నును విధించి ప్రతీకారం తీర్చుకున్నాడు. ఈ విషయం తెలిసి "నేను సాయంకాలం 6 గంటలకు శంఖవరంలో ఉంటాను. నన్ను కలవవలసినది" అని కలెక్టరుకు రాజు "మిరపకాయ టపా" పంపాడు. కాని కలెక్టరు రాజును కలవడానికి సాహసించలేదు. (ఈ విశేషాలు 19-4-1923 హిందూ పత్రికలో ప్రచురింపబడ్డాయి.)
క్రమంగా రాజు దళానికి, ప్రభుత్వ దళాలకు వైరం తీవ్రరూపం దాల్చింది. ఎలాగైనా రాజును పట్టుకోవాలని ప్రభుత్వం అనేక గూఢచారుల ద్వారా ప్రయత్నిస్తోంది. తమను అనుసరిస్తున్న గూఢచారులను రాజు దళాలు హెచ్చరించడం లేదా శిక్షించడం జరుగసాగింది. ప్రజలలో ఇరువర్గాల మనుషులూ ప్రచ్ఛన్నంగా పనిచేస్తున్నారు. సి.యు.స్వినీ అనే అధికారి ఏజన్సీ భద్రతలకు బాధ్యుడైన అధికారిగా జూన్‌లో నియమితుడయ్యాడు. గాలింపు తీవ్రం చేశాడు. విప్లవకారులు 1923 జూన్ 10న ధారకొండ, కొండకంబేరు మీదుగా మల్కనగిరి వెళ్ళి పోలీసు స్టేషను, ట్రెజరీపై దాడి చేసారు కాని అక్కడ మందుగుండు సామగ్రి లేదు. ముహూర్తం పెట్టి జూన్ 13న ప్రభుత్వ సైన్యంతో తాను పోరాడగలనని, ప్రభుత్వాన్ని దించేవరకు పోరాటం సాగిస్తానని రాజు అక్కడి డిప్యూటీ తాసిల్దారు, పోలీసు ఇనస్పెక్టరులకు చెప్పాడు. ఆ రాత్రి అక్కడ విశ్రాంతి తీసికొని ధారకొండ వెళ్ళాడు.
జూన్ 17న రాజు ఒకచోట బస చేసినట్లు ఒక ఉపాధ్యాయడు స్వినీకి వార్త పంపాడు. సైనికులు రాలేదు గాని ఈ విషయం తెలిసిన మల్లుదొర, గంటందొర నాయకత్వంలో విప్లవవీరులు ఈతదుబ్బులు గ్రామానికి వెళ్ళి, తమ ఆచూకీ తెలిపినందుకు అక్కడివారిని బెదరించి నానాబీభత్సం చేశారు. జూలై 29న ప్రభుత్వ సైన్యాలకు ఆహారపదార్ధాలు తీసుకెళ్ళే బండ్లను విప్లవవీరులు కొల్లగొట్టారు. ఆగష్టు 4న పెదవలస పోలీసు శిబిరానికి వెళ్ళే పోలీసులను పట్టుకొన్నారు. ఆగష్టు 11న కొమ్మిక గ్రామంలోను, ఆగష్టు 20న దామనూరు గ్రామంలోను ఆహార పదార్ధాలు సేకరించారు.
2-9-1923న రామవరం ప్రాంతానికి కమాండర్‌గా ఉన్న అండర్‌వుడ్ సైనికులకు, మన్యం వీరులకు భీకరమైన పోరాటం జరిగింది. సెప్టెంబర్ లో రాజు ముఖ్య అనుచరుడైన గాము మల్లుదొర పోలీసులకు దొరికిపోయాడు. ఇతను మహా సాహసి. కాని త్రాగుడు, వ్యభిచారం వ్యసనాలకు బానిస. ఒకమారు త్రాగి పోలీసులకు దొరికిపోగా రాజు దళం విడిపించింది. అతనిని దళం విడచి పొమ్మని రాజు ఆనతిచ్చాడు. అలా దళానికి దూరమైన మల్లుదొర తన ఉంపుడుగత్తె ఇంటిలో ఉండగా 17-9-1923న అర్ధరాత్రి దాడిచేసి అతనిని సైనికులు నిర్బంధించారు. తరువాత శిక్షించి అండమాన్ జైలుకు పంపారు (1952లో మల్లుదొర పార్లమెంటు సభ్యునిగా విశాఖపట్నం నియోజకవర్గం నుండి ఎన్నికయ్యాడు. 1969లో మరణించాడు). విప్లవాన్ని అణచివేసే క్రమంలో పోలీసులు ప్రజలను భయభ్రాంతులను చేసారు. గ్రామాలోకి ప్రవేశించి, చిత్రహింసలకు గురిచేసారు. మన్యాన్ని దిగ్బంధనం చేసారు. ప్రజలకు ఆహారపదార్థాలు అందకుండా చేసారు. స్త్రీలు, పిల్లలు, వృద్ధులు అనే విచక్షణ లేకుండా చంపారు.
సెప్టెంబరు 22న విప్లవకారులు పాడేరు పోలీస్ స్టేషన్‌పై దాడి చేశారు. 20వ తేదీన రాజు నాయకత్వంలో ఎర్రజెర్లలో ఉన్నపుడు పోలీసులు అటకాయించి కాల్పులు జరిపారు. ఒక గ్రామమునసబు ఆ పోలీసు దళాలను తప్పుదారి పట్టించడంవల్ల వారు తప్పించుకోగలిగారు. అక్టోబరు 26న గూడెం సైనిక స్థావరంపై దాడి చేశారు కాని స్టాండునుండి తుపాకులు తీసే విధానం తెలియక ఒక్క తుపాకీని కూడా చేజిక్కించుకోలేకపోయారు.@ మన ప్రత్తిపాడు!!  Fb/prathipadu.

అనగనగా ఓ ప్రత్తిపాడు @ mana prathipadu

అనగనగా ఓ ప్రత్తిపాడు.
సంభాషణ:
"సుబ్బయ్య మావా! ఇంకా ఎందుకే ఈ వయసులో నీకీ కట్టం. కొడుకు అవిద్రాబాదులో( హైదరాబాద్) పెద్ద ఉద్దోగం సేత్తన్నాడుగా... కమ్మగా ఆడికి బోయి కాలుమీన కాలుసేకుని కమ్మగా రేయింబొగుళ్లు టీవీ సూత్తూ, కోడల పిల్ల సేతి తిండి తింటూ పేణం ఉన్నెంతె కాలం హాయిగా బతుకొచ్చుగా" అన్నాడు సూరయ్య...సూరయ్య మాటలు విని ఎప్పటిలాగే సమాధానంగా ఓ బలహీనమైన నవ్వు నవ్వి ఇంటికొచ్చి పాత నులక మంచంపై నడుము వాల్చాడు సుబ్బయ్య. "ఏందీ ఈ పొద్దుటేల శానా నీరసంగా ఉండాది" అనుకుంటూ కళ్లు మూశాడు.కళ్ల ముందు గతం తాలూకు జ్ఞాపకాల దొంతరలు కదిలాయి. ఈ ఊర్లోనే తను పుట్టి పెరిగింది. ఆ ఊరు నుంచే పట్నానికి మైళ్ల దూరం నడిచి బడికెళ్లి చదువుకుంది. పదవ తరగతి పక్క ఊర్లో ఉండి చదువుతానంటే నాన్న... " సదివింది సాలు.. ఈ ఊళ్లో నీకేం తక్కువా? ఇట్టమైన పని సేసుకుని దరిజాగా బతుకు" అనేవాడు. ఎప్పుడైనా కోపంలో ఊరొదిలి వెల్దామంటే... "ఎవురినైనా కన్న ఊరు, కన్నతల్లేరా కట్టాల్లో ఆదుకునేది" అంటూ గుర్తు చేసేవారు. నాన్న చెప్పినట్లే ఏ కష్టమొచ్చినా తీర్చింది ఈ ఊరే. ఈ ఊర్లోనే 50 ఏళ్ల క్రితం గుర్తుగా తమ కాంతి వెలుగు చంద్రం పుట్టింది.ఇంకా ఆనాటి ఆ దృశ్యం కళ్ల ముందు కదులుతూనే ఉంది. అనారోగ్యంతో తన సీతామాలక్ష్మి పడిన బాధ నేటికీ గుండెను పిండుతుంది. అదేదో పెద్ద జబ్బు పట్నం వెళ్తే ఫలితం ఉండొచ్చు అంటూ నాటు వైద్యుడు చెప్పినప్పుడు సీత తన చెయ్యి పట్టుకుని తీసుకున్న ఒట్టు... ఇంకా గుర్తు ఉంది. ఆ చేతి స్పర్శ వెచ్చగా... గుర్తొస్తూనే ఉంటుంది."అయ్యా! నాను పెట్నమెల్లి వైద్దిగం సేయించుకన్నంత మేత్రేన బతుకుతాననే ఆశ నేదు. ఈ వైద్దిగం సంగతి దెలిత్తే మన సెంద్రం సదువు మానేసి ఆ డబ్బులతో నన్ను బతికింసుకుందామని పాకులాడతడు. ఆడి సుదువు సట్టు బండలు గాకూడదు. మనలా సదువు లేని వారిలా ఆడు ఉండకూడదు. ఈ ఊళ్లోకి ఒక్కడైనా సదువు సెప్పే మడిసి రావాలి. అది మన సెంద్రమే గావాల" అంటూ అలాగే జబ్బుతో కన్ను మూసింది.సీత అన్నట్లే చంద్రం ఈ రోజు ఉన్నత స్థానంలో ఉన్నాడు. గతంలో తన కోరిక చెపితే... "ఏంటి నాన్నా నా కలల్ని చంపుకుని నీ లాగే నన్ను ఈ ఊర్లో ఉండమనడం నీ స్వార్థం" అని తేలిగ్గా కొట్టిపడేశాడు. కావాలంటే నువ్వు నాతో రా... అంటున్నాడు.ఆడు పిలిత్తే మేత్రం ఎట్టా ఎల్తాను. నా (నేల)తల్లిని వొదిలి. ఈడే అమ్మా, అయ్యా కూలి సేసి తనను రాజులా సాకారు. ఈడే నా సీతామాలచ్చి కట్టంలో, సుఖంలో రారాజులా సూసుకుంది. ఆడికి మేత్రం ఇది పనికిమాలిన పల్లెటూరు. కానీ నాకు తెలుసు. ఇది నా పేణం. పేణం వొదిలి నేనెట్టా ఎళ్తాను.ఎల్లనుగాక ఎల్లను అని గట్టిగా బయటికి అంటూ... తన రిక్షా తీసుకుని బయలుదేరాడు పక్క ఊర్లోని బడి పిల్లలను తీసుకురావడానికి...ఎందుకంటే తన ముందు తన సీతామాలక్ష్మి కల ఇంకా సజీవంగానే ఉంది. తను తన రిక్షాలో తీసుకెళ్లే పిల్లల్లో ఒక్కరైనా తన ఊరికి చదువు సెప్పే మేస్టారు కాకపోతారా... తన సీత కోరిక తీరకపోతుందా అనే ఆశతో. @ mana prathipadu.

ఆ రోజులే బాగున్నాయి @ మన ప్రత్తిపాడు

       
సండే స్టోరీ @ మన ప్రత్తిపాడు
 ఆ రోజులే బాగున్నాయి !!👌
  👉టెన్షన్స్,వత్తిళ్ళు, డబ్బు సంపాదన ఇలాంటి అతిగా ఆలోచనలు లేకున్నా.ఉన్నంతలో కుటుంబం అంతా కలసి ఆనందంగా గడిపిన ఆ రోజులే బాగున్నాయి. ఆదివారం ఆటలు ఆడుతూ ఆనందాన్ని మరచినా ఆ రోజులే బాగున్నాయి. మినరల్ వాటర్ కొనుకోలేక కుళాయి దగ్గర బోరింగులదగ్గర బావుల దగ్గర నీళ్లు తగిన ఆ రోజులే బాగున్నాయి.ఎండాకాలం చాలివేంద్రం లోని చల్లని నీరు కోసం  ఎర్రని ఎండని సైతం లెక్క చెయ్యని ఆ రోజులే బాగున్నాయి. వందల కొద్దీ ఛానళ్లు లేకున్నా ఉన్న ఒక్క దూరదర్శన్ లో శుక్రవారం చిత్రలహరి ఆదివారం సినిమా కోసం ఎదురుచూసిన ఆ రోజులే బాగున్నాయి.సెలవుల్లో అమ్మమ్మ,నాన్నమ్మ ఊళ్లకు వెళ్లి ఇంటికి రావాలని ఆలోచనే లేని ఆ రోజులే బాగున్నాయి. మొబైల్ డేటా గురించి ఆలోచించకుండా బర్త్డే  డేట్ గురించి మాత్రమే ఆలోచిస్తూ చాకలెట్లు పంచిన ఆ రోజులే బాగున్నాయి.మట్టున్ బిరియాని,చికెన్ బిరియాని లేకున్నా ఎండాకాలం వచ్చింది అంటే మామిడికాయ పచ్చడితో అందరం కలిసి కడుపు నిండా అన్నం తిన్న ఆ రోజులే  బాగున్నాయి. ఇప్పుడు జేబు నిండా,కార్డ్ నిండా డబ్బులుఉన్న అమ్మ కొట్టుకు పంపినప్పుడు చిల్లర కాచేసి కొన్నుకొని తిన్న ఆ రోజులే బాగున్నాయి.ఇప్పుడు చేతిలోని సెల్ నిండా గేమ్స్ ఉన్నా ఆటస్థలంలో ఒక్క బ్యాటు తో బ్యాటు  మార్చుకుంటూ క్రికెట్ ఆడిన ఆరోజులే బాగున్నాయి. బీరువా నిండా జీన్స్ ప్యాంట్లు,టీ షీర్ట్లు ఉన్న 2,3 నిక్కర్లతో కురచ చొక్కాలతో బడికి వెళ్లిన ఆ రోజులే బాగున్నాయి.ఇప్పుడు బ్యాకరీల్లో కూల్ కేక్లు తింటున్న 25 పైసల ఆశ చాక్లెట్లు తిన్నా ఆ రోజులే బాగున్నాయి.ఇప్పుడు రక రకాల ఐస్క్రీమ్ లు నోట్లో నానుతున్న అమ్మమ్మ నాయనమ్మ ల చేత చీర కొంగు లోనుంచి పుల్ల ఐసు కొనుక్కొని తిన్న ఆ రోజులే బాగున్నాయి పొద్దు పోయేదాకా పాపం పనులు చేసుకొని ఎలాంటి చిరాకు లేకుండా ఇంటికి చేరుకొని  చందమామని చూస్తూ నిద్రలోకి వెళ్తూ కలలు కన్న ఆ రోజులే బాగున్నాయి. ఏమైనా ఆ రోజులే బాగున్నాయి మిత్రమా !! @మన ప్రత్తిపాడు. fb/prathipadu.

జి ఏస్ టి ని ఎలా రూపోందించారు @ మన ప్రత్తిపాడు

జిఎస్ టి అసలు ఎలా రూపొందించారు @మన ప్రత్తిపాడు!!

భారత ప్రభుత్వము, హైదరాబాద్

_జిఎస్ టి అమలు- పరోక్ష పన్ను ముఖచిత్రాన్ని పూర్తిగా మార్చివేయడం;_

ఇందుకు రంగాన్ని ఎలా సిద్ధం చేసిందీ చాటిచెప్పే వివరణ

      వస్తువులు, సేవల పన్ను (జిఎస్ టి) ఒక చరిత్రాత్మకమైనటువంటి పన్నుల సంబంధ సంస్కరణ.  ఇది 2017 జులై 1వ తేదీ నుండి అమలులోకి రానుంది.  జిఎస్ టి దేశంలోని కేంద్ర, రాష్ట్ర పన్నులతో కూడిన పరోక్ష పన్ను ముఖచిత్రాన్ని పూర్తిగా మార్చివేయనుంది.  సాధారణ ప్రయోగ పద్ధతికి భిన్నంగా జిఎస్ టి ని కేంద్రం మరియు రాష్ట్రాలు కలసి అమలు జరుపుతాయి.

      ఈ చరిత్రాత్మకమైనటువంటి సందర్భాన్ని గుర్తుంచుకోవడానికి వీలుగా 2017 జూన్ 30  - జులై 1వ తేదీ ల మధ్య రాత్రి సమయంలో పార్లమెంట్ సెంట్రల్ హాల్ లో ఒక కార్యక్రమాన్ని నిర్వహించనున్నారు.  ఈ కార్యక్రమానికి గౌరవనీయ రాష్ట్రపతి, గౌరవనీయ ఉప రాష్ట్రపతి, గౌరవనీయ ప్రధాన మంత్రి, గౌరవనీయ లోక్ సభ స్పీకర్ మరియు గౌరవనీయ ఆర్థిక మంత్రి ఇంకా ఇతర మాననీయ వ్యక్తులు హాజరు కానున్నారు.

*_జిఎస్ టి ఎందుకు అంత ముఖ్యమైందంటే_*

      స్వాతంత్ర్యం వచ్చినప్పటి నుండి చోటు చేసుకొన్న అత్యంత పెద్ద పన్నుల సంబంధిత సంస్కరణే జిఎస్ టి. ఇది ‘ఒక దేశం- ఒక పన్ను- ఒక మార్కెట్’ అనే లక్ష్యాన్ని సాకారం చేసుకొనేందుకు బాట వేస్తుంది.  సంబంధిత వర్గాలన్నింటికీ అంటే- పరిశ్రమ, ప్రభుత్వం, వినియోగదారులకు- జిఎస్ టి లాభం చేకూర్చుతుంది.  ఇది వస్తువులు, సేవల ఖర్చును తగ్గిస్తుంది.  ఆర్థిక వ్యవస్థకు ఉత్తేజాన్ని అందిస్తుంది.  మన వస్తువులు, సేవలను ప్రపంచవ్యాప్తంగా పోటీ పడేటట్టుగా చేస్తుంది.  తద్వారా ‘మేక్ ఇన్ ఇండియా’ కార్యక్రమానికి ఒక పెద్ద ఊతం లభించగలదు.  జిఎస్ టి విధానంలో ఎగుమతులు ఇప్పుడు అమలవుతున్న విధానానికి భిన్నంగా సున్నా రేటువిగా మారుతాయి.   ఇప్పుడు అమలవుతున్న విధానంలో పరోక్ష పన్నులు అటు కేంద్రం, ఇటు రాష్ట్రాలకు మధ్య చీలిపోయిన కారణంగా కొన్ని రకాల పన్నుల వాపసుకు ఆస్కారం లేకుండా వుంది.  జిఎస్ టి భారతదేశాన్ని ఉమ్మడి రేటులు, విధివిధానాలతో  కూడి ఉండే ఒక సాధారణ విపణిగా మార్చుతుంది.  ఆర్థిక అవరోధాలను తొలగిస్తుంది.  జిఎస్ టి ప్రధానంగా సాంకేతికత చోదకంగా పనిచేస్తుంది.  ఇందులో మానవ ప్రమేయం అనేది చాలావరకు తగ్గిపోతుంది. జిఎస్ టి భారతదేశంలో సులువుగా వ్యాపారం చేయడాన్ని గణనీయంగా మెరుగుపరచగలుగుతుందని భావిస్తున్నారు.

      అనేక వస్తువుల సరఫరాలకు జిఎస్ టి కౌన్సిల్ ఆమోదించిన మేరకు విధించిన పన్ను, ప్రస్తుతం అమలవుతున్న కేంద్రం, రాష్ట్రాల సమష్టి పరోక్ష పన్ను రేటుల కన్నా [ప్రస్తుతం అమలవుతున్న పన్ను రేటులలో.. సెంట్రల్ ఎక్సయిజ్ డ్యూటీ రేటులు/ ఎంబెడెడ్ సెంట్రల్ ఎక్సయిజ్ డ్యూటీ రేటులు/ సర్వీస్ ట్యాక్స్ పోస్ట్ క్లియరెన్స్ ఎంబెడింగ్, విఎటి రేటులు లేదా వెయిటెడ్ ఏవరేజ్ విఎటి రేటులు, ఎక్సయిజ్ డ్యూటీ, సిఎస్ టి, దారి సుంకం, ప్రవేశ పన్ను తదితరాల రీత్యా వాటికి తోడు విఎటి కుమ్మరింత..  కలిసివుంటున్నాయి) చాలా తక్కువ స్థాయిలో ఉంది.

*రాజ్యాంగ సవరణ చట్టం, 2016 అనంతరం జిఎస్ టి ప్రస్థానం*

      2016 సెప్టెంబరు 8 వ తేదీ నాడు గౌరవనీయ రాష్ట్రపతి అనుమతితో 101వ రాజ్యాంగ సవరణ చట్టం, 2016 ఆచరణలోకి వచ్చింది.  జిఎస్ టి కౌన్సిల్ ను 15.9.2016 నాడు ఏర్పాటు చేశారు.

      2016 సెప్టెంబరు లో జిఎస్ టి కౌన్సిల్ ఏర్పాటు అయినప్పటి నుంచి 18 సమావేశాలను నిర్వహించింది.  అన్ని రాష్ట్రాల ఆర్థిక మంత్రులు లేదా వారి ప్రతినిధులు, రాష్ట్ర మరియు కేంద్ర ప్రభుత్వాల అధికారులతో సహా ఈ విస్తృత‌ స్థాయి సమావేశాలలో పాలుపంచుకొని, ఈ చరిత్రాత్మకమైనటువంటి పన్నుల సంబంధ సంస్కరణకు చట్ట రూపాన్ని, విధి విధానాన్ని రూపొందించారు.  27 వేల గంటలకు పైగా సాగిన తీవ్ర కృషితో కూడినటువంటి ఎంతో పెద్ద కార్యభారమిది.  జిఎస్ టి అమలు కోసం  కేంద్ర అధికారులకు, రాష్ట్రాల అధికారులకు మధ్య దేశంలోని వివిధ ప్రాంతాలలో 200కు పైగా సమావేశాలు జరిగాయి.

      జిఎస్ టి చట్టాలు మరియు నియమావళిని రూపొందించేటపుడు, పన్ను చెల్లింపు దారులకు సులభతరంగా వ్యాపారం చేసుకొనే వీలును పెంపొందించాలనేది కీలకమైన చర్చాప్రతిపాదనగా ఉంది.  రాష్ట్రాలు, కేంద్ర ప్రభుత్వ పాత్రలు, బాధ్యతలను తదనుగుణంగానే నిర్వచించారు.  స్వల్ప అవధిలో, జిఎస్ టి కౌన్సిల్ కాంపెన్సేషన్ సెస్, విభిన్నమైన రేటు శ్లాబులలోకి వస్తువులు, సేవల వర్గీకరణ, మినహాయింపులు, ప్రభావ సీమ లు (థ్రెషోల్డ్ స్), పన్ను అమలు విధానం వంటివి సహా జిఎస్ టి చట్టాలను, జిఎస్ టి నియమాలను, పన్ను రేటు స్వరూపాన్ని ఆమోదించడం జరిగింది.  కౌన్సిల్ నిర్ణయాలను అన్నింటినీ ఏకాభిప్రాయంతో తీసుకొన్నారు.  చట్టాలను మరియు నియమావళిని రూపొందించేటపుడు, వ్యాపార, పరిశ్రమ వర్గాల వారితోను, ఇంకా ఇతర ముఖ్యమైన సంబంధిత వర్గాల వారితోను విస్తృత‌ స్థాయిలో భాగస్వామ్యపూర్వక సంప్రదింపులు చేపట్టడమైంది.  ముసాయిదా చట్టాలు, నియమావళులను వెబ్ సైట్ లలో పొందుపరచడంతో పాటు వాటిపై ప్రజల నుంచి ప్రతిస్పందనను కూడా స్వీకరించడమైంది.

      *2017 మార్చి 29న, గౌరవనీయ భారత ఆర్థిక మంత్రి వస్తువులు, సేవల పన్ను (జిఎస్ టి) బిల్లులు నాలుగింటిని లోక్ సభ పరిశీలన, ఆమోదం కోసం ప్రవేశపెట్టారు.  ఈ నాలుగు బిల్లుల పేర్లు.. ది సెంట్రల్ గూడ్స్ అండ్ సర్వీసెస్ ట్యాక్స్ (సిజిఎస్ టి) బిల్లు, 2017;  ది ఇంటిగ్రేటెడ్ గూడ్స్ అండ్ సర్వీసెస్ ట్యాక్స్ (ఐజిఎస్ టి) బిల్లు, 2017;  ది యూనియన్ టెరిటరీస్ గూడ్స్ అండ్ సర్వీసెస్ ట్యాక్స్ (యుటిజిఎస్ టి) బిల్లు, 2017 మరియు జిఎస్ టి (కాంపెన్సేషన్ టు స్టేట్స్) బిల్లు, 2017.  వీటిని  2017 మార్చి 29న లోక్ సభ,  2017 ఏప్రిల్ 6న రాజ్య సభ ఆమోదించాయి.*

      జిఎస్ టి కి సంబంధించి ఈ కింద పేర్కొన్న తుది స్వరూపాన్ని జిఎస్ టి కౌన్సిల్ ఖాయం చేసింది:

•        జిఎస్ టి ని విధించడానికి రాష్ట్రాలకు ప్రభావ సీమ (థ్రెషోల్డ్ లిమిట్) ను స్పెషల్ కేటగిరీ మినహా రూ.20 లక్షలుగా ఖరారు చేశారు.  స్పెషల్ కేటగిరీలో ఇది రూ.10 లక్షలు గా ఉంది.

•         జిఎస్ టి కోసం నాలుగు శ్లాబ్ రేటుల స్వరూపాన్ని స్వీకరించారు. ఈ నాలుగు శ్లాబ్ రేటులు 5%, 12%, 18% మరియు 28% గా ఉన్నాయి.

•        విలాసవంతమైన కార్లు, వాయుపూరిత పానీయాలు, పాన్ మసాలా, పొగాకు ఉత్పత్తులు తదితర కొన్ని రకాల వస్తువులపైన 28% జిఎస్ టి రేటు కు మించిన సెస్సును విధిస్తారు.  రాష్ట్రాలకు కాంపెన్సేషన్ చెల్లింపు కోసం ఇలా చేస్తారు.

•        కాంపొజిషన్ స్కీమును పొందేందుకుగాను ప్రభావ సీమ స్పెషల్ కేటగిరీ రాష్ట్రాలకు మినహా రూ.75 లక్షలు గా ఉంది.  స్పెషల్ కేటగిరీ రాష్ట్రాలలో ఇది రూ.50 లక్షలుగా ఉంది.  అంతే కాక అవి కేవలం త్రైమాసిక రిటర్న్ లు సమర్పించితే సరిపోతుంది.  కొన్ని కేటగిరీలకు చెందిన తయారీదారు సంస్థలు, సేవల సరఫరాదారు సంస్థలు (రెస్టారెంట్ లు తప్ప) కాంపొజిషన్ స్కీము కు వెలుపల ఉంటాయి.

*జిఎస్ టి యొక్క ఇతర ముఖ్యమైన అంశాలు*

•        అన్ని లావాదేవీలు, ప్రక్రియలు ఒక్క ఎలక్ట్రానిక్ పద్ధతిలోనే జరగాలని జిఎస్ టి చెబుతోంది.  ఒకరి జోక్యం ఉండకూడదనే ఈ పద్ధతిని నిర్దేశించారు.  ఇది పన్ను చెల్లింపుదారులతో పన్నుల అధికారులు జోక్యం చేసుకోవడాన్ని తగ్గించివేస్తుంది.

•        ఆటో-పాప్యులేటెడ్ మంత్ లీ రిటర్న్ స్, యాన్యువల్ రిటర్న్ సౌకర్యాన్ని జిఎస్ టి అందిస్తుంది.

•        జిఎస్ టి పన్ను చెల్లింపుదారులకు 60 రోజుల లోపల గ్రాంట్ ఆఫ్ రిటర్న్ ను నిర్దేశిస్తుంది కూడా.  అలాగే, 90% రిఫండ్ ను 7 రోజుల లోపల తాత్కాలికంగా మంజూరు చేస్తుంది కూడా.  ఇతర సౌలభ్య చర్యలలో.. సకాలంలో రిఫండ్ మంజూరు కాని పక్షంలో వడ్డీ చెల్లింపు, రిఫండ్ ను నేరుగా బ్యాంక్ ఖాతాలలోకి క్రెడిట్ చేయడం వంటివి ఉన్నాయి.

•        ప్రస్తుత పన్ను చెల్లింపుదారులు జిఎస్ టి విధానంలోకి సాఫీగా మార్పు చెందేందుకు వీలుగా సమగ్రమైన పరివర్తన నిబంధనావళి, అందుబాటులో ఉన్న నిల్వలకు క్రెడిట్ సదుపాయం వగైరాలు.

•        జిఎస్ టిని పాటిస్తున్నందుకుగాను రేటింగు వ్యవస్థ వంటివి ఇతర నిబంధనలలో చేరి ఉన్నాయి.

జిఎస్ టి నెట్ వర్క్ (జిఎస్ టిఎన్) పాత్ర - జిఎస్ టి కి వెన్నెముకగా ఐటి

      జిఎస్ టిఎన్ ను 25వ సెక్షన్ ప్రయివేట్ లిమిటెడ్ కంపెనీగా ఏర్పాటు చేయడమైంది. దీనిలో వ్యూహాత్మక నియంత్రణ ప్రభుత్వం వద్దే ఉంటుంది.  ఇది పన్ను చెల్లింపుదారులకు ఒక ఉమ్మడి పాస్- త్రూ పోర్టల్ గా పనిచేస్తుంది.  ఈ ఉమ్మడి పోర్టల్ లో పన్ను చెల్లింపుదారులు వారి రిజిస్ట్రేషన్ దరఖాస్తులను సమర్పిస్తారు; రిటర్న్ లను దాఖలు చేస్తారు; పన్నులు చెల్లిస్తారు; రిఫండ్ లను క్లెయిమ్ చేస్తారు. జిఎస్ టిఎన్ కు ఒక దృఢమైన ఐటి ప్లాట్ ఫామ్ ను సమకూర్చారు.  ఇది 80 లక్షల పన్ను చెల్లింపుదారులకు వేలాది పన్నుల అధికారుల తో ఇంటర్ ఫేస్ ను ప్రసాదిస్తుంది.  జిఎస్ టి లో భాగంగా అన్ని ఫైలింగులు ఎలక్ట్రానిక్ మాధ్యమంలోనే జరుగుతాయి.  జిఎస్ టిఎన్ అనేది ఒక ఫ్రంట్-ఎండ్ గా ఉంటే, బ్యాక్-ఎండ్ లో సిబిఇసి యొక్క ఐటి వ్యవస్థలు, జిఎస్ టిఎన్ ఐటి నెట్ వర్క్ తో వివిధ రాష్ట్రాల ఇంటర్ ఫేస్ తోడై పన్ను చెల్లింపుదారులకు పన్ను రిటర్న్ యొక్క ఎండ్ టు ఎండ్ ప్రాసెసింగ్ సీమ్ లెస్ గా సాగేందుకు సహకరిస్తాయి.  64,000 మంది అధికారులకు జిఎస్ టి పోర్టల్ పై పనిచేయటానికి 2017 ఫిబ్రవరి నుంచి జూన్ వరకు శిక్షణ ఇవ్వడమైంది.  జిఎస్ టిఎన్ ఐటి వ్యవస్థలు లోడ్ టెస్టులు, పెర్ఫామెన్స్ టెస్టులు, వల్నరబులిటీ టెస్టులు, భద్రత, ఇతర తప్పనిసరి పరీక్షలను పూర్తి చేసుకొన్నాయి.

      రాష్ట్రాల పన్నుల యంత్రాంగాల పరిధిలోని ప్రస్తుత పన్ను చెల్లింపుదారు లు, సెంట్రల్ బోర్డ్ ఆఫ్ ఎక్సయిజ్ అండ్ కస్టమ్స్ జిఎస్ టి వ్యవస్థలోకి నమోదు కావటమనేది 2016 నవంబర్ 8 నాడు మొదలైంది.  66 లక్షలకు పైగా పన్ను చెల్లింపుదారులు వారి అకౌంటులను జిఎస్ టి పోర్టల్ లో యాక్టివేట్ చేసుకొన్నారు.

      జిఎస్ టి అప్లికేషన్ అన్ పేమెంట్ పనిచేయడం ప్రారంభించింది.  25 బ్యాంకులను జిఎస్ టి కామన్ పోర్టల్ తో సమన్వయపరిచారు.  ఇవి ఇ-పేమెంట్ మరియు ఓవర్ ది కౌంటర్ పేమెంట్ సౌకర్యాలతో పాటు ఎన్ఇఎఫ్ టి/ఆర్ టిజిఎస్, క్రెడిట్/డెబిట్ కార్డు ద్వారా చెల్లింపు ల సదుపాయాలను సమకూర్చుతాయి.

*జిఎస్ టి జాగృతి కార్యక్రమం*

      ప్రభుత్వం వేరు వేరు కార్యక్రమాలు, వర్క్ షాపులు, ప్రసార మాధ్యమాలు, టెలివిజన్ ద్వారా సాధారణ ప్రజానీకానికి తన జిఎస్ టి జాగృతి కార్యక్రమాన్ని తీసుకుపోయే చొరవను ముమ్మరం చేసింది.  అన్ని స్థాయిలలోను సిబిఇసి క్షేత్ర బృందాలను క్రియాశీలం చేసి వ్యాపార, పరిశ్రమ వర్గాలతో సంప్రదింపులు జరుపుతూ వారు జిఎస్ టి కి మళ్లేందుకుగాను వారి సందేహాలను తీర్చాలని, వారికి సహాయపడాలని సూచించడమైంది.  సిబిఇసి క్షేత్ర విభాగాలు సంచార వాహనాల ద్వారా అసెసీల గుమ్మాల వద్దకు చేరుకొని వారు జిఎస్ టి కి మైగ్రేట్ అయ్యేందుకు, పరివర్తన క్రమంలోని అంశాలను పరిష్కరించేందుకు తగిన అవగాహన కార్యక్రమాలను నిర్వహించాయి.  భారతదేశం అంతటా మొత్తం సుమారు 4700 వర్క్ షాపులను నిర్వహించడం జరిగింది.

      పన్ను చెల్లింపుదారులు మరియు ఇతర సంబంధితవర్గాల వారందరు జిఎస్ టి లోకి సునాయాసంగా మారేటట్టు వారికి సమాచారం అందించడం, వారి సందేహాలు తీర్చడం, వారికి సహాయపడడానికి ముద్రణ, ఎలక్ట్రానిక్ మాధ్యమాల ద్వారాను, ప్రకటనల వంటి వాటి ద్వారాను విస్తృత‌మైన‌ ప్రచారం చేపట్టబడింది.

*సిబిఇసి పునర్ వ్యవస్థీకరణ*

      జిఎస్ టి అమలు ప్రక్రియ సెంట్రల్ బోర్డ్ ఆఫ్ ఎక్సయిజ్ కస్టమ్స్ యొక్క పునర్ వ్యవస్థీకరణకు దారితీసింది.  ఇందుకుగాను నిర్మాణ పరమైన మార్పులు, మానవ వనరుల పునర్ మోహరింపు అవసరమయ్యాయి.  మారుమూల ప్రాంతాలకు కూడా వ్యాప్తి చెందేందుకు తగిన విధంగా వనరుల పునర్ మోహరింపు చోటు చేసుకొంది.  జిఎస్ టి లో ముఖ్య పాత్రను కలిగివున్న డైరెక్టరేట్ లను సముచితమైన రీతిలో విస్తరించడం, పటిష్టపరచడం పూర్తయింది.

      21 సిజిఎస్ టి & సిఎక్స్ జోన్ లు, 107 సిజిఎస్ టి & సిఎక్స్ కమిషనరేట్ లు, 12 సబ్-కమిషనరేట్ లు, 768  సిజిఎస్ టి & సిఎక్స్ డివిజన్ లు, 3969 సిజిఎస్ టి & సిఎక్స్ రేంజ్ లు, 48 ఆడిట్ కమిషనరేట్ లు, 49 అప్పీలు కమిషనరేట్ లు గా ఫీల్డ్ ఫార్మేషన్ లను పునర్ నిర్మించారు.

*శిక్షణ*

      జిఎస్ టి సాఫీగా అమలు కావడం కోసం, చాలినంత కెపాసిటీ-బిల్డింగ్ కసరత్తు, అవగాహన చేపట్టుకోవడం అనివార్యం.  నేషనల్ అకాడమి ఆఫ్ కస్టమ్స్ ఇండైరెక్ట్ ట్యాక్సెస్ అండ్ నార్కోటిక్స్ (ఎన్ఎసిఐఎన్) విస్తృత‌ స్థాయిలో శిక్షణ కార్యక్రమాలను నిర్వహించింది.  ఒకటో దశలో, దేశవ్యాప్తంగా 2016 సెప్టెంబరు నుంచి 2017 జనవరి వరకు నిర్వహించిన బహుళ విధ శిక్షణ కార్యక్రమంలో సుమారు 52,000 మంది అధికారులు  శిక్షణ పొందారు.  సవరించిన చట్టం, నియమావళి, విధి విధానాలపై ఒక రిఫ్రెషర్ ట్రయినింగ్ ను కూడా నిర్వహించగా, 2017 జూన్ 23 వరకు 17,213 మంది అధికారులు శిక్షణ పొందారు.  అక్రెడిటెడ్ జిఎస్ టి శిక్షణ కార్యక్రమంలో భాగంగా వ్యాపారం/పరిశ్రమ సభ్యులు, ఇతర సంబంధిత వర్గాల వారికి ‘సహేతుకమైన ఖర్చులో నాణ్యమైన శిక్షణను అందించడం’ కోసం 20 ఇన్ స్టిట్యూట్ లకు ‘ఆమోదం పొందిన శిక్షణ భాగస్వామ్య సంస్థలు’ గా ధ్రువీకరణను పొందాయి.  (ఈ శిక్షణ ఇంకా కొనసాగుతోంది ) .  2,565 మంది పార్టిసిపెంట్ లకు ఇంతవరకు శిక్షణ పొందారు.  ఎన్ఎసిఐఎన్ కూడా 92 మంత్రిత్వ శాఖలు/ ప్రభుత్వ రంగ సంస్థలకు చెందిన 2,611 మంది అధికారులకు శిక్షణ ఇవ్వడం జరిగింది.

      అంతే కాకుండా, జిఎస్ టి కి సంబంధించిన 500 తరచుగా అడిగే ప్రశ్నల (FAQs) కు సమాధానాల వంటి శిక్షణ సంబంధ వనరులను ఇంగ్లిషు, హిందీ మరియు 10 ప్రాంతీయ భాషలలో విడుదల చేయడం జరిగింది.  జిఎస్ టి కి సంబంధించిన వేరు వేరు ముఖ్యాంశాలను సమగ్రంగా వివరిస్తూ అనేక చిన్న ప్రకటన పత్రాలను వ్యాపార, పరిశ్రమ వర్గాలకు అందజేయడమైంది.   జిఎస్ టి శిక్షణ, తదితర శిక్షణ సామగ్రిని అధికారుల ఉపయోగార్థం స్లయిడ్ షోలు, లెర్నింగ్ వీడియోలను కూడా విడుదల చేయడమైంది.

సామాజిక మాధ్యమాల ద్వారా సేవ

      పన్ను చెల్లింపుదారుల ప్రశ్నలకు రియల్ టైమ్ ప్రాతిపదికన సమాధానాలు ఇవ్వడం కోసం ప్రభుత్వం ఒక ట్విటర్ సేవను ప్రారంభించింది.  askGST_GOI పేరుతో ఉన్న ట్విటర్ హ్యాండిల్ కు ప్రతి రోజూ పన్ను చెల్లింపుదారుల నుంచి వేలాది ప్రశ్నలు అందుతున్నాయి.  ట్విటర్ లో తరచుగా అడుగుతున్న ప్రశ్నలకు సంబంధించిన సమాధానాలతో ఒక జాబితాను ఇప్పటికే ప్రచురించడం జరిగింది.